"QARABAĞ" QƏLƏBƏYƏ KÖKLƏNİB

Sabah baş tutacaq “Qarabağ” - “Bakı” derbisinə maraq yetərincə böyükdür. Derbi öncəsi komandamızın düşərgəsi qələbəyə köklənib. Suraxanıda baş tutan tərəflərin  son 2 matçında bərabərlik qeydə alınıb. Eyni zamanda bu matçlar gərginliyi ilə yadda qalıb. Görəsən bu dəfə ki, qarşılaşma öncəsi “Qarabağ” komandasının üzvləri nə fikirləşir? Bu məqsədlə futbolçulardan fikirlərini öyrəndik.

Aslan Kərimov, “Qarabağ”ın kapitanı : ” Bakı” çempionata yaxşı başlayıb. Çempionluğa oynayırlar. Amma bizim də hədəfimiz bəllidir. Maraqlı oyun olacaq. Artıq xal itirmək istəmirik. İnanıram ki, qələbə qazanan “Qarabağ” olacaq. Çünki, biz buna qadirik. “Bakı”nı məğlub edib zirvəyə yaxınlaşacağıq.”

Zaur Həşimov, universal “Qarabağ”lı : ” “Qarabağ” bütün oyunlara qələbə üçün çıxır. Startda xal itkilərinin təsadüf olduğu sübut edəcəyik. “Bakı”ya hörmət edirik. Amma heç kimdən zəif deyilik və sübut edcəyik ki, “Qarabağ” da çempionluq üçün ən böyük iddialılardandır. “

Artim Şakiri, “Qarabağ”ın playmeykeri:” Komandamız yeni qurulduğundan  ilk 3 oyunda müəyyən problem yaşadıq. Amma artıq “diş”imizi göstərməliyik. Belə oyunların havası fərqli olur. Deyə bilərəm ki, komadamız artıq bir-birini tanıyır. Azarkeşlərimiz narahat olmasın. Bu oyundan sonra onalrı sevindirəcəyik.”

Zaur Ramazanov, “Qarabağ”ın ümid bəslədiyi potensial bombardir:” Bilirəm ki, hər kəs məndən qollar gözləyir. İlk 3 oyunda nəsə alınmadı. İnşallah, bu dəfə göstərəcəyəm ki, Zaur Ramazanov hələ “sönməyib”. Bu oyun mənim matçım olacaq. Buna əmin ola bilərsiniz. Söz verirəm ki, bu oyunda  qol vuracam və “Qarabağ” qələbəni bayram edəcək. “