“Qarabağ” – “Sabah”: 20-ci duel

“Qarabağ” Misli Premyer Liqasının VI turunda “Sabah”la qarşılaşacaq. Komandalar arasında duel Tofiq Bəhramov adına Respublika stadionunda baş tutacaq. Milli komandaların oyunları ilə əlaqədar yaranan fasilədən sonra ilk görüşünə çıxacaq rəqiblər Premyer Liqa çərçivəsində 20-ci dəfə üz-üzə gələcək.

İlk dəfə 5 il öncə qarşılaşan komandaların oyunlarında “Qarabağ” böyük üstünlüyə malikdir. Komandamız əvvəlki 19 matçın 12-də qalib gəlib. 6 oyunda heç-heçə edən  Ağdam klubu yalnız bir dəfə meydandan xalsız ayrılıb. Bu üstünlük top fərqində də əksini tapıb. 35 qol vuran “Qarabağ” 12 top buraxıb.

“Qarabağ” öz meydanında “Sabah”a uduzmayıb. Evdə keçirdiyi 10 qarşılaşmada altı qələbə qazanan komandamız 4 dəfə heç-heçə ilə kifayətlənib. 21 qol vuran “Qarabağ” öz qapısından 7 top buraxıb.

Evdəki 10 matçdan yalnız birində rəqib qapısına yol tapmayan komandamız son 6 dueli qolsuz tərk etməyib.

Qeyd edək ki, sentyabrın 17-də Tofiq Bəhramov adına Respublika stadionunda baş tutacaq “Qarabağ” – “Sabah” oyunu saat 19:30-da başlayacaq.

29.09.2018. Sabah - Qarabağ - 0:2
24.11.2018. Qarabağ - Sabah - 1:1
23.02.2019. Sabah - Qarabağ - 1:1
13.04.2019. Qarabağ - Sabah - 3:0
06.10.2019. Qarabağ - Sabah - 2:0
02.12.2019. Sabah - Qarabağ - 0:1
29.02.2020. Qarabağ - Sabah - 0:0
22.08.2020. Qarabağ - Sabah - 2:0
21.01.2021. Sabah - Qarabağ - 1:2
13.03.2021. Qarabağ - Sabah - 2:0
09.05.2021. Sabah - Qarabağ - 0:4
17.10.2021. Sabah - Qarabağ - 1:2
04.12.2021. Qarabağ - Sabah - 5:1
12.03.2022. Sabah - Qarabağ - 0:1
03.05.2022. Qarabağ - Sabah - 1:1
11.09.2022. Qarabağ - Sabah - 4:3
13.11.2022. Sabah - Qarabağ - 0:0
11.02.2023. Qarabağ - Sabah - 1:1
16.04.2023. Sabah - Qarabağ - 2:1.