“Qarabağ” səfərdən üç xalla dönür

“Qəbələ” – “Qarabağ” – 1:2

25 sentyabr 2023. Saat 19:00. Qəbələ şəhər stadionu, 950 tamaşaçı

Baş hakim: Elçin Məsiyev

Baş hakimin köməkçiləri: Pərvin Talıbov, Cəmil Quliyev

Dördüncü hakim: Kamran Əliyev

VAR: Rauf Allahverdiyev

AVAR: Rəhman İmami

Hakim-inspektor: Babək Quliyev

AFFA nümayəndəsi: Seymur Səlimli

Sarı vərəqələr: İlkin Qırtımov, 31 (qeyri-idman hərəkəti); Əyyub Allaş, 42 (qeyri-idman hərəkəti); Omar Hani, 49 (hakimin qərarına etiraz); Zurab Oçiqava, 52 (qeyri-idman hərəkəti); Rəşad Əzizli, 52 (hakimin qərarına etiraz) // Toral Bayramov, 60 (qeyri-idman hərəkəti)

Qırmızı vərəqə: Kevin Medina, 42 (təcavüzkar davranış)

Rəsmi şəxsə göstərilən sarı vərəqələr: Qurban Qurbanov, 42 (texniki zona qaydalarını pozduğuna görə), 89 (qeyri-idman hərəkəti)

Rəsmi şəxslərə göstərilən qırmızı vərəqələr: Rasim Ramaldanov, 42 (meydançaya daxil olaraq rəqib oyunçuya aqressiv şəkildə təzyiq göstərdiyi üçün) // Qurban Qurbanov, 89

Qollar: Lukas Afriko, 76 // Hamidu Keyta, 2; Nəriman Axundzadə, 11

Artırılan vaxt: I hissədə 4 dəq; II hissədə 7 dəq.

 

“Qarabağ” Misli Premyer Liqasında növbəti oyununu keçirib. Komandamız VII turun son günündə meydana çıxıb. Qurban Qurbanovun yetirmələri səfərdə “Qəbələ” ilə qarşılaşıb.

 

Ağdam təmsilçisi görüşə ötən turla müqayisədə dəyişikliklərlə başlayıb. Andrey Lunyov, Riçard Almeyda, Bədavi Hüseynov, Nəriman Axundzadə, Patrik Andrade, Hamidu Keyta və Mateus Silva start “11-liy”ində yer alıb.

 

Qarşılaşma erkən qollarla başlayıb. İlk dəqiqələrdən təşəbbüsü ələ alan “Qarabağ” iki dəfə rəqib qapısına yol tapıb. Hamidu keyta Leandro Andradenin, Nəriman Axundzadə Mateus Silvanın sağ cinahdan ötürməsini dəqiq zərbə ilə tamamlayıb – 2:0.

 

Bu qollardan sonra oyunda qarşılıqlı hücumlar müşahidə olunub. Əsasən sağ cinahla rəqib müdafiəsini yarmağa çalışan komandamız bir neçə təhlükəli vəziyyət də yaradıb. Patrik Andrade və Toral Bayramovun zərbələri yaddaqalan olub. Meydan sahiblərinin fərqi azaltmasına isə müdafiə xəttimiz, bir neçə epizodda isə Andrey Lunyovun inamlı oyunu imkan verməyib.

 

İkinci hissəyə meydan sahibləri daha fəal başlayıb. Arxa xətdə etibarlı oynayan komandamız rəqibin real qol vəziyyətləri yaratmasına mane olub. Hamidu Keytanın hücumdakı səyləri isə fərqin artması üçün yetərli olmayıb.

 

Hissənin ortalarında hər iki tərəf əvəzetmələrlə oyunda dönüş yaratmağa çalışıb. Andrey Lunyov bir neçə dəfə rəqib zərbəsindən sonra topu dəf etsə də, “Qəbələ” fərqi azaltmağı bacarıb. Hissənin sonlarında Abdullah Zubirin zərbəsini rəqib qapıçı dəf edib. Minimal üstünlüyünü sonadək qoruyan komandamız səfərdən üç xalla dönüb – 2:1.

 

“Qəbələ”

1. Rəşad Əzizli

2. İlkin Qırtımov (k)

5. Rauf Hüseynli

7. Emil Səfərov

20. Bilel Auaşeriya

(19. Samuel Tetteh, 70)

4. Lukas Afriko

99. Ahmed Ayzaya

9. Əyyub Allaş

72. Osama Xalayla

(14. Ülvi İsgəndərov, 70)

10. Omar Hani

(17. Yaovi Akakpo, 90)

8. Gilad Abramov

(3. Zurab Oçiqava, 18)

 

Ehtiyat oyunçular:

 

13. Kristof Atanqana

36. Elməddin Sultanov

28. Murad Musayev

12. Nicat Əliyev

33. Hüseyn Mürsəlov

18. Mehrac Baxşalı

 

Baş məşqçi: Elmar Baxşıyev

 

“Qarabağ”

99. Andrey Lunyov

20. Riçard Almeyda

(8. Marko Yankoviç, 76)

55. Bədavi Hüseynov (k)

27. Toral Bayramov

90. Nəriman Axundzadə

(44. Elvin Cəfərquliyev, 76)

81. Kevin Medina

66. Patrik Andrade

(5. Maksim Medvedev, 44)

17. Hamidu Keyta

(18. Olavio Juninyo, 68)

2. Mateus Silva

6. Julio Romao

15. Leandro Andrade

(10. Abdullah Zubir, 68)

 

Ehtiyat oyunçular:

 

23. Luka Quqeşaşvili

89. Amin Ramazanov

30. Abbas Hüseynov

4. Rahil Məmmədov

83. Nihad Quliyev

11. Adama Diakabi

 

Baş məşqçi: Qurban Qurbanov