"Qarabağ" - "Sportinq": Mətbuat konfransları və son məşqlər

single-news
27 Noy 2018

"Qarabağ" - "Sportinq": Mətbuat konfransları və son məşqlər



Avropa Liqasının qrup mərhələsinin V turu çərçivəsində baş tutacaq "Qarabağ" -"Sportinq" (Portuqaliya) qarşılaşmasından öncə keçiriləcək mətbuat konfransları və oyunöncəsi son məşqlərin vaxtı bəlli olub. 

Baş məşqçimiz Qurban Qurbanov noyabrın 28-i  Bakı Olimpiya Stadionun mətbuat konfransında saat 14:30-da media mənsublarının önünə çıxacaq. Komandamızın son məşqi isə saat 19:00-da "Azərsun Arena"da baş tutacaq. Məşqin ilk on beş dəqiqəsi mətbuat və azarkeşlər üçün açıq olacaq.

Rəqib komandanın baş məşqçisi  saat 20:00-da Bakı Olimpiya Stadionunun mətbuat zalında jurnalistlərin suallarını cavablandıracaq. Portuqaliya təmsilçisinin oyunöncəsi son məşqi isə saat 20:30-da qarşılaşmanın keçiriləcəyi stadionda baş tutacaq. 

 

QEYD: Klubumuz tərəfindən ayrılmış avtobus media mənsublarını saat 18:20-də Bakı Olimpiya Stadionundan "Azərsun Arena"ya aparacaqdır və komandamızın məşqindən sonra yenidən Bakı Olimpiya Stadionuna qaytaracaqdır.

Paylaş

QARABAĞI UNUTMA!