"QARABAĞ" TÜRKİYƏYƏ YOLLANIR . . .

"Qarabağ" Futbol Klubu UEFA Kuboku İlkin təsnifat mərhələsində Moldova "Zimbru"suna qarşı oyunun hazırlığını davam etdirir. Qax toplanışından sonra bir günlük istirahət edən komanda hazırlıqlarını Suraxanı qəsəbə stadionunda davam etdirir. Axşam saatlarında bir dəfəlik məşqlər edən klub 27.06.2006-cı il tarixindən hazırlığının ikinci mərhələsinə start verəcək. Bu mərhələ əsasən hazırlıq oyunlarına üstünlük veriləcəyindən, komanda Türkiyəyə yollanacaq. Burada 10 günlük hazırlıqdan sonra komanda Moldovaya yola düşərək, oyun saatını gözləyəcək. "Zimbru" - "Qarabağ" oyununda Azərbaycanı daha layiqincə təmsil edmək üçün "Neftçi" PFK-nun Prezidenti Rövnəq Abdullayev komandasının edəbiləcəyi bütün köməkliyi etmək istəklərini "Qarabağ" FK-nun rəhbərliyinə çatdırmışdır. Qarşılıqlı razılaşma əsasında Neftçi" komandasının oyunçuları Zaur Tağızadə və Georgiy Adamiyanın da "Qarabağ"ın Türkiyədəki hazırlığına qatılacağı və UEFA kubokunun oyunlarında Azərbaycanı təmsil edəcəkləri gözlənilir. Bütün bunlara görə "Qarabağ" FK-nun rəhbərliyi "Neftçi" FK-nun rəhbərliyinə öz dərin təşəkkürünü bildirir. Türkiyədə komandanın hazırlığı haqqında ən operativ xəbərləri yalnız saytımızdan öyrənə bilərsiniz.