"Qarabağ" - "Viktoriya": Akkreditasiya elanı

UEFA Çempionlar Liqasının pley-off mərhələsində keçiriləcək "Qarabağ" - "Viktoriya" oyununa akkreditasiya qeydiyyatından keçmək istəyən media mənsublarının aşağıda qeyd olunanları yerinə yetirməsi tələb olunur:

Akkreditasiyanı Peşəkar Futbol Liqasında (PFL) 2022/2023 mövsümü üçün qeydiyyatdan keçmiş KİV nümayəndələri ala bilərlər;

Qeydiyyatdan keçmək istəyənlər avqustun 13-ü, saat 18:00-dək çalışdığı yeri, vəzifəsini və 2022/2023 mövsümü üçün nəzərdə tutulmuş PFL akkreditasiyasını press@qarabagh.com elektron ünvanına göndərməlidirlər;

Qeydiyyatdan keçərkən yazılı mətbuat nümayəndəsi PRESS, fotoqraflar FOTO, televiziya əməkdaşları isə TV yazmalıdırlar.

Akkreditasiyaların verilmə tarixi və yeri haqda daha sonra məlumat veriləcək.

Qeyd edək ki, "Qarabağ" - "Viktoriya" oyunu avqustun 17-də saat 20:45-də Tofiq Bəhramov adına Respublika stadionunda keçiriləcək.