“QARABAĞ” – “XƏZƏR-LƏNKƏRAN”... STATİSTİKA

Mart ayının ilk iki günündə Azərbaycan Premyer Liqasının XVI turunun görüşləri keçiriləcək. “Qarabağ” Futbol Klubu bu tur çərçivəsində Lənkəranın "Xəzər Lənkəran" komandasını qəbul edəcək.  Bu matç komandamızın “Xəzər”lə milli çempionatlar tarixinin yeni dönəmində 8-ci qarşılaşması olacaq.

2004-2005 mövsümündə  baş tutmuş ilk oyunda Samir Musayevin dublu və Vadim Vasliyevin möhtəşəm qoluna rəqib yalnız Samir Əliyevin təsəlli qolu ilə cavab verə bildi. Əvəzində  komandamız üçün çempionluq yolunda çox vacib cavab qarşılaşmasında Lənkəran təmsilçisi bu məğlubiyyətin əvəzini artıqlaması ilə çıxdı- 0:3.

2005-2006—mövsümündə də komandalar hərəyə üç xal qazanmışlar. Ilk oyunda "Şəfa" stadionunda keçirilən matçda 2:1 hesabı ilə qələbə qazanan “Qarabağ”, cavab qarşılaşmasında 2:0-lıq məğlubiyyətlə üzləşdi. Növbəti mövsüm- 2006-2007 mövsümündə rəqiblərdən sevinən tərəf cənub təmsilçisi olmuşdur. Uyğun olaraq 2:0 və 4:1.

Cari mövsümdə ilk qarşılaşma Lənkəranda keçirildi və meydan sahibləri 2:0 hesabı ilə qalib gəldilər. Bu matçın revanşı isə 02.03.2008-ci il tarixində keçiriləcək.

Komandamıza bu oyunda uğurlar arzulayırıq...

Matç saat 15:00-da başlayacaq.