"QARABAĞ" YIXILMADI, AYAQDADI...(FUTBOL+QOL, 19.03.2005)

Ağdamlıların düşərgəsində yaşanan olaylar çoxlarının komandanın tədricən liderlik mövqelərini təhvil verəcəyini proqnozlaşdırmağa vadar etdi. Amma oğul Ponomaryov klubun sıralarını tərk etsə də, ata-məşqçi hələ də kollektivi ön sıralarda saxlaya bilir. Xüsusən də "Qarabağ"ın "Bakı" ilə oyunda matçı 9 nəfərlə xilas etməsindən sonra ağdamlıların yekun uğuruna inam xeyli artıb. Hər halda bütün yuxarıda deyilənləri nəzərə alsaq, belə qənaətə gəlmək olar ki, qızıl medalların taleyi yenə də "Neftçi" ilə "Qarabağ"ın istər əyani, istərsə də qiyabi mübarizəsində həll ediləcək.