“QARABAĞ” YOLA DÜŞÜR...

İstirahət başa çatdı. Dekabrın ilk günü çempionat başa çatsa da təxminən 15 gün məşqlərini davam etdirən “Qarabağ” Futbol Klubunun təxminən 20 günlük istirahəti başa çatır. Artıq, yanvarın 4-ündə bütün komanda yeni ildə ilk dəfə bir araya gələcək. Yeni transferimiz Zaur Həşimov da bu gündən etibarən yeni komanda yoldaşlarına qoşulacaq. Yanvarın 4-ündə “Qarabağ” bazada qalacaq. Yanvarın 5-i səhər 07:30-da komandamız Bakı-İstanbul reysiylə qardaş ölkəyə yola düşcək. Saat 10:00-da isə İstanbul – Antalya reysiylə komandamız yeni ilin ilk təlim-məşq toplanışını keçirəcəyi Antalyanın Belek bölgəsinə yola düşəcək. Antalyanın Santai hotelində məskunlaşacaq komandamız Yanvarın 26-sına kimi adıçəkilən hoteldə qalacaq. Gündə 2 dəfə nəzərdə tutulan məşqlərdən əlavə komandamız ən azı 3 yoldaşlıq oyunu keçirməyi planlaşdırır.