"Qarabağ" "Zəfər" turnirində iştirak etdi

AFFA-nın təşkilatçılığı ilə keçirilən “Zəfər” turnirində "Qarabağ"ın işçilərindən ibarət kollektivi də iştirak edib.

Ölkəmizin şanlı qələbəsi ilə yekunlaşmış 44 günlük Vətən müharibəsinə həsr olunmuş turnirin 1/4 final mərhələsində komandamız "Sabah"la qarşılaşıb. Bakı Olimpiya Stadionunun süni örtüklü futbol meydançasında baş tutan qarşılaşma gərgin idman mübarizəsi şəraitində keçib.

Oyunda komandamız 2:3 hesabı ilə uduzaraq, mübarizəni dayandırıb.