“Qarabağ”a iki türk futbolçu gəlir? (çempion, 19.06.2006)

Kuboka sahib olan “Qarabağ” artıq UEFA-da ölkəni layiqincə təmsil etmək üçün məşqlərə başlayıb. Artıq Ağdam klubunda icarədə olan “Bakı”nın futbolçusu Fərid Quliyev keçmiş komandasına qayıdıb. Baş məşqçi Böyükağa Ağayevdən aldığımız məlumata görə, “Qarabağ”a bəzi əcnəbi futbolçular da dəvət olunacaq. İyunun 27-də Türkiyəyə yola düşəcək komandanın çalışdırıcısı orada bir neçə türk legioneri də baxışdan keçirəcək. Onlardan ikisinin klubda qalacağı da istisna deyil. Ehtimal olunur ki, Ağdam təmsilçisi Bolu şəhərində hazırlaşacaq. Lakin klubun mətbuat xidmətinin rəhbəri Asif Əsgərovdan aldığımız məlumata görə iyunun 24-də keçiriləcək UEFA Kubokunun püşkatmasından sonra hazırlıq planlarına aydınlıq gələcək.