“Qarabağ”dan 3-cü qələbə

“Qarabağ”ın 15 yaşadək futbolçulardan ibarət komandası Belarusun paytaxtı Minskdə təşkil olunan “Bizim gələcəyimiz” turnirində növbəti oyununu keçirib. Vüqar Əsgərlinin baş məşqçisi olduğu U-15 5-8-ci yerlər uğrunda pley-off matçında Belarusun “İsloç” klubu ilə görüşüb.

Qarşılaşmanın taleyini bir qol həll edib. 25-ci dəqiqədə fərqlənən Murad İbrahimli komandamıza 1:0 hesablı qələbə qazandırıb. Bu, U-15-in turnirdə keçirdiyi 4 oyunda 3-cü qələbəsi olub.

“Qarabağ” 5-ci yer uğrunda matçda Rusiya təmsilçisi “Baltika” ilə üz-üzə gələcək. Görüş bu gün keçiriləcək.

Qeyd edək ki, “Qarabağ” qrup mərhələsində Rusiya təmsilçiləri “Zvezda” və “Olimpik”i eyni – 2:0 hesabı ilə məğlub edib, Belarusun BATE komandası ilə bərabərə qalıb – 1:1. 1/4 finalda Belarus təmsilçisi ROEM-BDU ilə qolsuz heç-heçə edən “Qarabağ” penaltilər seriyasında 6:7 hesabı ilə uduzub.