“Qarabağ”dan ardıcıl 7-ci qələbə

“Qarabağ”ın 15 yaşadək futbolçulardan ibarət komandası növbəti oyununu keçirib. Komandamız U-15 Liqasının I turundan təxirə salınan matçda “Neftçi” PFK-nın qonağı olub.
Yarışın lideri olan “Qarabağ” bu görüşdə də qalib gəlib – 3:2. Bu, komandamızın mövsümdə ardıcıl 7-ci qələbəsi olub. 7 turdan sonra itkisiz irəliləyən “Qarabağ” 21 xalla yarışın vahid lideridir.
Qeyd edək ki, VIII turun oyunları oktyabrın 21-22-də keçiriləcək. Komandamız evdə İCBFA ilə görüşəcək.