“Qarabağ”dan böyükhesablı qələbə

“Qarabağ” – “Sumqayıt” – 5:0

29 sentyabr 2023. Saat 20:00. “Azersun Arena”, 940 tamaşaçı

Baş hakim: Əliyar Ağayev

Baş hakimin köməkçiləri: Akif Əmirəli, Teymur Teymurov

Dördüncü hakim: Rövşən Rəcəbov

VAR: Kamal Umudlu

AVAR: Elşad Abdullayev

Hakim-inspektor: Ramil Diniyev

AFFA nümayəndəsi: Zümrüd Ağayeva

Sarı vərəqələr: Patrik Andrade, 56 (qeyri-idman hərəkəti) // Abu Dosso, 12 (qeyri-idman hərəkəti)

Qollar: Olavio Juninyo, 22, 27; Toral Bayramov, 42 (p.); Leandro Andrade, 44; Abdullah Zubir, 50

Artırılan vaxt: I hissədə 2 dəq; II hissədə 2 dəq.

 

“Qarabağ” Misli Premyer Liqasında növbəti oyununu keçirib. Komandamız VIII turun ilk günündə meydana çıxıb. Ağdam təmsilçisi “Azersun Arena”da  “Sumqayıt”la üz-üzə gəlib.

 

“Qarabağ” görüşə ötən turla müqayisədə dəyişikliklərlə başlayıb. Maksim Medvedev, Elvin Cəfərquliyev, Abdullah Zubir, Yassin Benzia, Marko Yankoviç və Olavio Juninyo ilk dəqiqələrdən meydana çıxıb.

 

İlk dəqiqələrdən təşəbbüsü ələ alan komandamız rəqib qapısına ardıcıl hücumlar təşkil edib. Çoxgedişli kombinasiyalar bir neçə zərbə ilə yekunlaşsa da, hesab hissənin ortalarında açılıb. Rəqibin müqavimətini qırmağa nail olan komandamız ardıcıl qollar vurub.  Juninyo qısa müddətdə dubla imza atıb. Braziliyalı hücumçu cərimə meydanı daxilindən iki dəfə dəqiq zərbə endirib. Olavio bununla da qol hesabını 5-ə çatdıraraq çempionatın bombardirləri yarışında zirvəyə yüksəlib.

 

Rəqibin azsaylı hücumlarının qarşısını asanlıqla alan “Qarabağ” 37-ci dəqiqədə rəqib meydançasına daxil olan Zubirə qarşı qayda pozuntusuna görə penalti qazanıb. Toral Bayramov 11metrlik cərimə zərbəsini qola çevirərək fərqi 3-ə çatdırıb. Hissənin sonlarında komandamız yenidən fərqlənib. Künc zərbəsindən gələn ötürməni Leandro Andrade qapıdan keçirib – 4:0.

 

İkinci hissə də komandamızın üstünlüyü ilə keçib. Fasilədən az sonra Zubir fərqi 5 topa çatdırıb.

 

Bu qoldan sonra “Sumqayıt”ın azsaylı hücumlarının qarşısını etibarlı oynayan müdafiə xətti alıb. “Qarabağ” bir neçə dəfə fərqi artırmağa yaxın olsa da, Yassin Benzia, Leandro Andrade və Patrik Andradenin zərbələri dəqiq alınmayıb. Beləliklə, komandamız evdə böyükhesablı qələbə qazanıb – 5:0.

 

“Qarabağ”

99. Andrey Lunyov

5. Maksim Medvedev (k)

55. Bədavi Hüseynov

(4. Rahil Məmmədov, 67)

44. Elvin Cəfərquliyev

(2. Mateus Silva, 73)

27. Toral Bayramov

10. Abdullah Zubir

(17. Hamidu Keyta, 67)

66. Patrik Andrade

7. Yassin Benzia

(6. Julio Romao, 73)

8. Marko Yankoviç

18. Olavio Juninyo

15. Leandro Andrade

(90. Nəriman Axundzadə, 67)

 

Ehtiyat oyunçular:

 

23. Luka Quqeşaşvili

89. Amin Ramazanov

20. Riçard Almeyda

30. Abbas Hüseynov

83. Nihad Quliyev

11. Adama Diakabi

 

Məşqçi: Elçin Rəhmanov

 

“Sumqayıt”

1. Mehdi Cənnətov

14. Elvin Bədəlov (k)

(30. Kamran Quliyev, 46)

7. Rövlan Muradov

17. Murad Xaçayev

8. Səbuhi Abdullazadə

(71. Masaki Murata, 59)

19. Roi Kehat

(6. Vüqar Mustafayev, 46)

11. Kasimir Ninqa

(21. Nihad Əhmədzadə, 69)

12. Abu Dosso

4. İsa Suliman

10. Kamran Aliev

60. Tresor Mossi

(58. Oktavio Manteka, 46)

 

Ehtiyat oyunçular:

 

15. Orxan Sadıqlı

32. Murad Ağamalıyev

20. Ayxan Süleymanlı

9. Erik Sorqa

 

Məşqçi: Seymur Rəhimov