“QARABAĞ”DAN DAHA BİR İLK!!!

“Qarabağ” futbol klubu hər zaman qloballaşma, modern tələblərə uyğun olaraq inkişafa çalışıb. Bu yöndə atılan addımlarda daim Avropada formalaşmış peşəkar təcrübədən, proqressiv ideyalardan yararlanmağa cəhd etmişik. Və budur! “Qarabağ”ın rəsmi saytı Azərbaycanda analoqu olmayan daha bir yeniliklə hüzurunuza gəlir. Niyyətinin futbolun populyarlaşması, geniş kütlələrə çatdırılması, insanlara sevdirilməsi məqsədiylə daha bir layihəni həyata keçiririk. Belə ki,  bu gün etibarən ölkənin tanınmış idman yazarları Azərbaycan və dünya futbolunda baş verən hadisələrə anında operativ münasibət, analatik təhlil əsasında yazılarla saytımız vasitəsiylə hüzurunuza gələcək. Məqsədimiz aydın, dəqiq və qərəzsizdir. Birlikdə olaq, futbolumuzu irəli aparaq. Unutmayın, biz birlikdə güclüyük...

Bəs görəsən, yazarlar klubun yeni ideyası haqqında nə düşünür?

Rəşad Ergün, "Futbol+" qəzetinin yazarı: “Əlbəttə, hamımız “Qarabağ”ın bu ideyasını dəsətəkləməliyik. Söhbət sadəcə, son olaydan getmir. Son zamanlarda “Qarabağ”ın yürütdüyü siyasət göstərir ki, klub və rəhbərlik həqiqətən də bu ölkənin futbolunu dirçəltmək üçün nəsə etməyə çalışırlar. Ona görə də media nümayəndələri “Qarabağ”a dəstək olmağa borcludurlar.”

Saleh Arslan, “Futbol dünyası” qəzetinin yazarı: ” Şübhəsiz, bu çox təqdirəlayiq hadisədir. “Qarabağ”ın saytı digər klub saytları ilə müqayisədə daim öz operativiylə yanaşı arxivi, fərqli tipli xəbərləri ilə də yaxşı mənada fərqlənib. Zənnimcə, yeni layihədə tezliklə öz bəhrəsini verəcək.”

İlkin Vaqifoğlu, “Futbol+qol” qəzetinin yazarı: ” Belə bir tendensiyaya Avropada, Türkiyədə rast gələ bilərik. Lakin Azərbaycanda ilk dəfə bunu “Qarabağ”ın saytı vasitəsiylə izləyəcəyik. Bu gün klublarla mətbuat arasında çox da inkişaf etməmiş münasubətlərin düzəlməsi yolunda atılan addımı alqışlamaq lazımdır. Heç şübhəsiz, “Qarabağ”ın saytı digər klublardan kəskin dərəcədə fərqlənirdi. Ümidvaram ki, başqa klublarda “Qarabağ”ın bu addımından nümunə götürərlər.”

Ruslan Məmmədli, “Futbol+” qəzetinin yazarı: ” Şübhəsiz, Avropa futbolunda olan yeniliklərlə oxucularımızın tanış olması həm bizlərin maariflənməsinə xeyri olar, həm də həm də media ilə klublar arasında dialoq daha da inkişaf edər. “Qarabağ”ın bu addımı mənəvi baxımdan da çox önəmlidir. Bu olay göstərir ki, “Qarabağ” həqiqətən də Azərbaycan  futboluna xidmət etməyə çalışır.”