“Qarabağ”dan ev qələbəsi

“Qarabağ” – “Sabah” – 2:0
17 sentyabr 2023. Saat 19:30. T.B. adına Respublika Stadionu, 4500 tamaşaçı
Baş hakim: Tural Qurbanov
Baş hakimin köməkçiləri: Müslüm Əliyev, Vüsal Məmmədov
Dördüncü hakim: Rəşad Əhmədov
VAR: İnqilab Məmmədov
AVAR: Kamran Bayramov
Hakim-inspektor: Anar Salmanov
AFFA nümayəndəsi: Aslan Şahgəldiyev
Sarı vərəqələr: Julio Romao, 62 (qeyri-idman hərəkəti) // Vinsent Til, 64 (qeyri-idman hərəkəti); Elvin Camalov, 79 (qeyri-idman hərəkəti); Jarl Marqarita, 90+2 (hakimin qərarına etiraz)
Qollar: Olaviyo Juninyo, 56; Hamidu Keyta, 88
Artırılan vaxt: I hissədə 2 dəq; II hissədə 4 dəq.

“Qarabağ” növbəti oyununu keçirib. Komandamız millilərin matçları ilə əlaqədar yaranan fasilədən sonra Misli Premyer Liqasının VI turunun görüşünə çıxıb. Baş məşqçi Qurban Qurbanovun yetirmələri “Sabah”la qarşılaşıb. Oyun Tofiq Bəhramov adına Respublika stadionunda baş tutub.
Qurban Qurbanov ötən turla müqayisədə start heyətində dəyişikliklər edib. Amin Ramazanov, Bəhlul Mustafazadə, Elvin Cəfərquliyev, Abdullah Zubir, Yassin Benzia, Marko Yankoviç və Leandro Andrade “11-lik”də yer alıb.
Matçın ilk 45 dəqiqəsi komandamızın üstünlüyü ilə keçib. Görüşün əvvəlindən topa nəzarət edən “Qarabağ” rəqib qapısına ardıcıl hücumlar təşkil edib. Rəqib müdafiəsini yarmaqda çətinliklə üzləşən meydan sahibləri fasilə ərəfəsində qola yaxın olub. Marko Yankoviçin ardıcıl iki zərbəsindən sonra qapı dirəyi hesabın açılmasına imkan verməyib.
İkinci hissə qarşılıqlı hücumlarla başlayıb. Fasilədən az sonra komandamız istəyinə çatıb. Yassin Benzianın künc zərbəsi Olavio Juninyonun başla qapını dəqiq nişan alması ilə nəticələnib – 1:0. Buraxılan qoldan sonra rəqib bir müddət fəallaşsa da, “Qarabağ” təşəbbüsü əldən verməyib. Daha çox hücum quran komandamız bir neçə dəfə fərqi artırmağa yaxın olub. Abdullah Zubir və Toral Bayramovun zərbələri yaddaqalan alınıb. Komandamız fərqi final fitinə 2 dəqiqə qalmış artırıb. Sonradan meydana daxil olan Hamidu Keyta bir neçə rəqibindən sıyrılaraq qarşısıalınmaz zərbə vurub – 2:0. Bu üstünlüyü matçın sonunadək qoruyan “Qarabağ” mövsümdə 3-cü qələbəsini qazanıb.

“Qarabağ”
89. Amin Ramazanov
13. Bəhlul Mustafazadə
(5. Maksim Medvedev, 57)
44. Elvin Cəfərquliyev
27. Toral Bayramov
10. Abdullah Zubir (k)
(66. Patrik Andrade, 90+1)
81. Kevin Medina
7. Yassin Benzia
(17. Hamidu Keyta, 85)
8. Marko Yankoviç
18. Olavio Juninyo
(19. Redon Cica, 85)
6. Julio Romao
15. Leandro Andrade
(2. Mateus Silva, 85)

Ehtiyat oyunçular:
 
23. Luka Quqeşaşvili
99. Andrey Lunyov
20. Riçard Almeyda
83. Nihad Quliyev
90. Nəriman Axundzadə
11. Adama Diakabi

Baş məşqçi: Qurban Qurbanov

“Sabah”
1. Yusif İmanov
4. Elvin Camalov (k)
10. Aleksey İsayev
(8. Ayaz Quliyev, 63)
9. Anatoli Nuriyev
(70. Cesse Sekidika, 63)
15. Kristian da Silva
(12. Vinsent Til, 63)
24. Maruan Hadudi
(17. Tellur Mütəllimov, 46)
7. Boyan Letiç
44. Sofian Çakla
18. Davit Volkov
3. Con İrasabal
28. Kahim Parris
(27. Jarl Marqarita, 72)

Ehtiyat oyunçular:

16. Rustam Samigullin
77. Namik Ələskərov
5. Rəhman Daşdəmirov
21. İldar Alekperov
33. Camal Cəfərov
22. Seymur Məmmədov
19. Emmanuel Apeh

Baş məşqçi: Murad Musayev