“Qarabağ”dan ev qələbəsi

“Qarabağ” – “Səbail” – 3:1

12 noyabr 2023. Saat 19:00. T.Bəhramov adına Respublika Stadionu, 861 tamaşaçı

Baş hakim: Rəvan Həmzəzadə

Baş hakimin köməkçiləri: Elşad Abdullayev, Vüsal Məmmədov

Dördüncü hakim: Kamal Umudlu

VAR: Fərid Hacıyev

AVAR: Cəmil Quliyev

Hakim-inspektor: Orxan Məmmədov

AFFA nümayəndəsi: Azər Əsgərov

Sarı vərəqə: Adi Mehremiç, 45+1 (qeyri-idman hərəkəti)

Qollar: Toral Bayramov, 8; Yassin Benzia, 43; Olavio Juninyo, 54 // Pedro Nuno, 77

Artırılan vaxt: I hissədə - 1 dəq; II hissədə - 5 dəq.

 

“Qarabağ” növbəti oyununu keçirib. Qurban Qurbanovun yetirmələri Misli Premyer Liqasının XIII turunda “Səbail”i qəbul edib. Milli komandaların oyunları ilə əlaqədar fasilə ərəfəsindəki matç Tofiq Bəhramov adına Respublika stadionunda baş tutub.

 

“Qarabağ” görüşə ötən turla müqayisədə bir dəyişikliklə çıxıb. Start “11-liy”ində Marko Yankoviçi Patrik Andrade əvəzləyib. Matç komandamızın hücumları ilə başlayıb. Bu təzyiq erkən qolla nəticələnib. Toral Bayramov qonaqların qapısına yol tapıb – 1:0.

 

Buraxılan qoldan sonra fəallaşan paytaxt təmsilçisi oyunu tarazlaşdıra bilib. Lakin müdafiə xəttimiz inamlı oyunu ilə yadda qalıb. Qarşılıqlı hücumlarla keçən dəqiqələrdə Patrik Andrade və Julio Romaonun zərbələri təhlükəli alınıb. Komandamız ikinci qolu fasilə ərəfəsində vurub. Yassin Benzia dəqiq zərbə ilə fərqi artırıb – 2:0.

 

İkinci yarıya da fəal başlayan komandamız ardıcıl təhlükəli vəziyyətlər yaradıb. Hissənin əvvəlində Toral Bayramov bir, Abdullah Zubir iki əlverişli imkan əldə etsə də, hesab dəyişməz qalıb.

 

“Qarabağ”ın üstünlüyü üçüncü qolla nəticələnib. İlk iki qolun məhsuldar ötürməsinin müəllifi olan Leandro Andrade bu dəfə Olavio Juninyoya assist verib. Çempionatın bombardiri mövsümdə 10-cü qoluna imza atıb.

 

Bu topdan sonra “Səbail” fəallığı artırmağa cəhd etsə də, komandamızın inamlı oyunu buna imkan verməyib. Lakin qonaqlar fərqi azaltmağa nail olub. Pedro Nuno görüşdəki 4-cü qola imza atıb.

 

Hesabdakı fərqin azalmasından sonra “Qarabağ” hücumlarının kəsərini artırıb. Hamidu Keyta, Olavio Juninyo və Redon Cica qol sevinci yaşamağa yaxın olsa da, bu imkanlardan yararlana bilməyiblər. Beləliklə, “Qarabağ” ev oyununda 3:1 hesablı qələbə qazanıb.

 

“Qarabağ”

89. Amin Ramazanov

13. Bəhlul Mustafazadə

44. Elvin Cəfərquliyev

(29. Marko Veşoviç, 70)

27. Toral Bayramov

10. Abdullah Zubir (k)

(17. Hamidu Keyta, 70)

81. Kevin Medina

66. Patrik Andrade

7. Yassin Benzia

(8. Marko Yankoviç, 88)

18. Olavio Juninyo

(19. Redon Cica, 88)

6. Julio Romao

15. Leandro Andrade

(90. Nəriman Axundzadə, 70)

 

Ehtiyat oyunçular:

 

23. Luka Quqeşaşvili

20. Riçard Almeyda

5. Maksim Medvedev

55. Bədavi Hüseynov

4. Rahil Məmmədov

11. Adama Diakabi

2. Mateus Silva

 

Baş məşqçi: Qurban Qurbanov

 

“Səbail”

1. Səlahət Ağayev (k)

74. Yusif Nəbiyev

(3. Silvayin Deslandes, 88)

8. Bahadur Həziyev

(9. Amil Yunanov, 46)

18. Süleyman Əhmədov

(44. Yadin Luqasi, 46)

11. Rüfət Abdullazadə

88. Valdemar Almeyda

4. Adi Mehremiç

99. David Qomis

27. Pedro Nuno

55. Nir Bardea

21. Anas Najah

(19. Samir Abdullayev, 88)

 

Ehtiyat oyunçular:

 

12. Hüseynəli Quliyev

15. Vüqar Həsənov

17. Rafael Məhərrəmli

 

Baş məşqçi: Şahin Diniyev