“Qarabağ”dan əzmkar qələbə

“Kəpəz” – “Qarabağ” – 1:2

27 yanvar 2024. Saat 15:00. Qəbələ şəhər stadionu, 90 tamaşaçı

Baş hakim: Nicat İsmayıllı

Baş hakimin köməkçiləri: Eyyub İbrahimov, Zöhrab Abbasov

Dördüncü hakim: İslam Məmmədov

VAR: Vüqar Həsənli

AVAR: Kamran Bayramov

Hakim-inspektor: Orxan Məmmədov

AFFA nümayəndəsi: Mübariz Hüseynov

Sarı vərəqələr: Yeqor Xvalko, 14 (qeyri-idman hərəkəti); Elmir Tağıyev, 32 (qeyri-idman hərəkəti); İqor Rodriqes, 83 (qeyri-idman hərəkəti); Mate Kvirkviya, 90 (hakimin qərarına etiraz); Adama Niane, 90+7 (hakimin qərarına etiraz) // Hamidu Keyta, 48 (qeyri-idman hərəkəti); Redon Cica, 53 (hakimin qərarına etiraz); Elvin Cəfərquliyev, 71 (qeyri-idman hərəkəti)

Qollar: Olavale Onanuqa, 72 // Olavio Juninyo, 80; Toral Bayramov, 90+5 (p.)

Artırılan vaxt: I hissədə yoxdur; II hissədə 6 dəq.

 

“Qarabağ” növbəti oyununu keçirib. Komandamız Misli Premyer Liqasının XX turunda “Kəpəz”lə görüşüb.

 

Qurban Qurbanovun yetirmələri 2024-cü ildəki ilk səfər matçına çıxıblar. Qarşılaşma Qəbələ şəhər stadionunda baş tutub.

 

Baş məşqçimiz ötən turla müqayisədə start heyətdə 8 dəyişiklik edib. Luka Quqeşaşvili, Riçard Almeyda, Maksim Medvedev, Toral Bayramov, Nəriman Axundzadə, Marko Veşoviç, Hamidu Keyta və Redon Cica “11-lik”də yer alıb. Onlar Andrey Lunyov, Bəhlul Mustafazadə,  Elvin Cəfərquliyev, Abdullah Zubir, Yassin Benzia, Olavio Juninyo, Mateus Silva və Julio Romaonu əvəzləyiblər.

 

Matç “Qarabağ”ın hücumları ilə başlayıb. Təşəbbüsü ilk dəqiqələrdən ələ alan komandamız rəqib qapısına təzyiq yaradıb.

 

Qurbanovun yetirmələri ardıcıl hücumlar qurub. Lakin rəqib qapısına yol tapmaq mümkün olmayıb.

 

Hissənin ortalarında meydan sahibləri əks-hücumlar qurmağa cəhd ediblər. “Qarabağ” böyük üstünlüyə malik olsa da, fasiləyədək hesabı aça bilməyib.

 

İkinci hissə də eyni ssenari ilə keçib. Komandamız çoxsaylı hücumlar qurub. Amma yaradılan qol imkanlarından yararlanmaq cəhdləri alınmayıb.

 

İkinci hissənin ortalarında “Kəpəz”in hücumlarından biri qolla nəticələnib. “Qarabağ” buraxılan qola cavab verməsi üçün böyük zamana ehtiyac olmayıb.

 

Olavio Juninyo hesaba tarazlıq gətirib. Çempionatın bombardiri 14-cü qoluna imza atıb.

 

Qol epizodunda Yassin Benzia rəqib qapıçı ilə toqquşub. Xəsarət alan futbolçumuz oyunu davam etdirə bilməyərək meydandan çıxıb. O, Redon Cicanın ardınca Qəbələdəki matçı zədə üzündən yarımçıq tərk edən ikinci oyunçu olub.

 

Bu üzdən qarşılaşmanı azlıqda davam etdirən “Qarabağ” qələbə qolunu da vurub. Komandamızın qazandığı penaltini Toral Bayramov dəqiq yerinə yetirib.

 

Beləliklə, “Qarabağ” Premyer Liqada ardıcıl 9-cu qələbəsini qazanıb. Komandamız XII turda başlayan seriyasını davam etdirib.

 

Qeyd edək ki, “Qarabağ” Premyer Liqada növbəti oyununu fevralın 3-də “ASCO Arena”da “Səbail”ə qarşı keçirəcək.

 

“Kəpəz”

96. İqor Rodriqes

29. Amil Yunanov

(26. Adama Niane, 64)

7. Ehtiram Şahverdiyev

14. Elçin Əlicanov

4. Vüsal Məsimov

8. Elmir Tağıyev

88. Şakir Seyidov

9. Mate Kvirkviya

78. Yeqor Xvalko (k)

24. Olavale Onanuqa

21. Martins Junior

(99. Əli Səmədov, 84)

 

Ehtiyat oyunçular:

 

12. Kamran İbrahimov

18. Elgün Bayramov

3. Vurğun Hüseynov

10. Tural Rzayev

20. Mahir Həsənov

6. Nemət Musayev

33. Camal Cəfərov

22. Rüfət Əhmədov

15. Cavad Kərimov

91. Latir Fal

 

Baş məşqçi: Adil Şükürov

 

“Qarabağ”

23. Luka Quqeşaşvili

20. Riçard Almeyda

(7. Yassin Benzia, 76)

5. Maksim Medvedev (k)

55. Bədavi Hüseynov

(13. Bəhlul Mustafazadə, 63)

24. Aleksey İsayev

27. Toral Bayramov

90. Nəriman Axundzadə

(44. Elvin Cəfərquliyev, 63)

29. Marko Veşoviç

17. Hamidu Keyta

(10. Abdullah Zubir, 63)

19. Redon Cica

(18. Olavio Juninyo, 63)

15. Leandro Andrade

 

Ehtiyat oyunçular:

 

99. Andrey Lunyov

89. Amin Ramazanov

30. Abbas Hüseynov

11. Adama Diakabi

2. Mateus Silva

 

Baş məşqçi: Qurban Qurbanov