"QARABAĞ"DAN FUTBOL - ŞOU

“Qarabağ” bu dəfə də qalib gəldi. Bir ay öncə olduğu kimi Tovuza səfərindən gülərüz dönən klubumuz artıq özünü 14 finalda hiss edə bilər.

“Qarabağ” son oyunda qarşılaşdığımız “Qəbələ”ilə matçın start heyətindən cəmi 3 dəyişiklik etmişdi. Belə ki, yüngül zədəsi olan Fərhad Vəliyev baş məşqçi Rasim Kara tərəfindən oyun sıyahısına adı salınmamışdısa, U-19-da olan Maksim Medvedevi Ayxan Abbasov əvəzləmişdi. Qapı isə Osman Umarova etibar edilmişdi. Eyni zamanda son oyunlarda uğurla mübarizə Avtandil Hacıyevin yerinə Nodar Məmmədovun mübarizə aparacaqdı.

Komandamız oyuna 4-4-2 taktiki sxemiylə çıxmışdı. Arxa xətdə Muhammed, Hüseyn, Nodar, Ayxan onların önündə isə Aslan, Pupo, Qoqa, Viktor qərarlaşmışdı. Hücum xəttində isə ənənəvi Vaqif-Kənan tandemi vardı.

Görüş “Qarabağ”ın hücumları ilə başladı. İlk qolu görmək üçün cəmi 7 dəqiqə lazım oldu. Sol cinahdan ötürmə zamanı topu qəbul edən Pupo dabanla daha əlverişli mövqedə olan Viktora ötürdü. Nigeriyalı forvard isə güclü zərbə ilə hesabı açdı. Maraqlıdı ki, Sentyabrın 22-sində baş tutan görüş zamanı da Viktor sabiq komandasını 2 dəfə cəzalandırmışdı. Qoldan sonra topu saxlayaraq rəqibi yoran komandamız bir necə dəfə hesabı artıra bilərdi. Lakin 29 və 36-cı dəqiqələrdə oyunu yüksək səviyyədə keçirən Qoqa Berayanın zərbələri dəqiq olmadı. Üstəlik Vaqif də bir necə əlverişli şansı boşa verdi.

İkinci yarıya İrakli-Vaqif dəyişikliyi ilə başlayan komandamız 60-ci dəqiqəyə kimi əla futbolla “göz doldurdu”. Xüsusilə, fəallığı ilə seçilən Kənan Kərimov cəhdləri son anda komandanın 2-ci dəfə sevinməsinə mane olurdu. Lakin hər halda komandamız ona 14 final mərhələsini gətirəcək qolu vura bildi. 85-ci dəqiqə Kənan sol cinahdan cərimə meydançasına daxil olaraq qarşısıalınmaz zərbə vurdu, 0:2.

Oyunun sonuna qədər topa nəzarət edən komandamız 1 ay sonra Tovuzdan bu dəfə ölkə kubokunda 2:0-lik qələbə ilə döndü.