`Qarabağ`ımız 1 məşqlə

`Qarabağ`ımız `Bakı`yla oyunun hazırlıqlarına başlayır. Bazar günü baş tutan` İnter`lə mücadilənin ertəsi günü komandamız bərpaedici məşqlə kifayətlənmişdi. Dünən isə komandamızın baş məşqçisi Qurban Qurbanov futbolçulara istirahət vermişdi. Bu gündən isə paytaxt təmsilçisiylə oyunun hazırlığının aktiv hissəsinə start verilir. Bu günə komandamızın məşq planında tək çalışma var. Saat 12-də komandamız Suraxanı qəsəbə stadionunda tək məşqini edəcək. Sabaha isə komandamızın 2 məşqi nəzərdə tutulub.