"Qarabağ"ımız Çempionlar Liqasının III təsnifat mərhələsində

Bu gün Çempionlar Liqasının II təsnifat mərhələsində "Qarabağ"ımız növbəti oyununu keçirib. Komandamız Tofiq Bəhramov adına Respublika stadionunda Moldovanın "Şerif" klubunu qəbul edib. Oyuna sürəli başlayan komandamız matçın 21-ci dəqiqəsində hesabı açıb. Xayme Romeroya qarşı cərimə meydançasında kobudluqdan sonra təyin olunan penalti zərbəsini Uroş Matiç hesabı açıb. İlk hissə komandamızın 1:0 hesablı qələbəsiylə başa çatıb. Oyunun 63-cü dəqiqəsində komandamız ikinci topu rəqib qapısından keçirib. Abdullah Zubirin ötürməsindən sonra Mahir Emreli topu qapıdan keçirib.

Oyunun 78-ci dəqiqəsində rəqib hesab arasında fərqi azaltsa da, yekun nəticədə komandamız 2:1 hesablı qələbə qazanaraq növbəti mərhələyə yüksəlib.