"Qarabağ"ımız hazırlıqlarını davam etdirir

"Qarabağ"ımız Azərbaycan Premyer Liqasının VIII turunda qarşılaşacağı "Səbail"lə matçın hazırlıqlarını davam etdirir. Komandamız bir günlük istirahətin ardından bu gün çalışmaları bərpa edib. Komandamızın bugünkü məşqi təxminən 1 saat davam edib. Futbolçularımız yüngül toplu çalışmalarla hazırlığı başa vurub.

Milli komandamızda olan futbolçularımız da komandaya qoşulub. İslandiya millisinə dəvət alan qapıçımız Hannes Halldorsson bu gün Bakıya gələcək. Bolqarıstan və Konqo yığmalarında yer alan iki futbolçumuz: Simeon Slavçev və Con Delarjın isə bu gün baş tutacaq oyunlardan sonra ölkəmizə qayıdacaq.