"Qarabağ"ımızda istirahət başa çatıb. Komandamız bu gün klubun bazasında bir araya gələrək mövsümün ikinci yarısının hazırlıqlarına start verib.İlin ilk məşqi saat 16:30-da start götürüb və təxminən 90 dəqiqə davam edib. Futbolçularımız bu məşqdə fiziki çalışmalara üstünlük verib. 

Komandamız sabah iki məşqlə hazırlıqlarını davam etdirəcək.

Qeyd edək ki, Premyer Liqanın lideri yanvarın 12-si Antalyaya yollanaraq hazırlığın ikinci mərhələsini orada davam etdirəcək. Antalyada 14 gün müddətində davam edəcək təlim-məşq toplanışında “Qarabağ” 4 yoxlama oyunu keçirəcək. Ağdam təmsilçisi yanvarın 18-də Rumıniyanın “Akademika Klinkeni”, yanvarın 22-si Qazaxıstanın "Jetisu", yanvarın 25-i Çexiyanın "Siqma" və Polşanın “Visla Plok" klublarıyla qarşılaşacaq.

Yanvarın 26-sı isə “Qarabağ” Bakıya dönərək fevralın 2-si “Səbail"lə keçiriləcək matçın hazırlıqlarını burada davam etdirəcək.