`Qarabağ`ımız `Xəzər-Lənkəran` üçün yığışdı
23 Okt 2012
`Qarabağ`ımız `Xəzər-Lənkəran` üçün yığışdı
`Qarabağ` `Xəzər-Lənkəran` üçün yığışdı. Premyerliqanın X turunda Lənkərana yollanacaq `Qarabağ`ımız oyun üçün hazırlıqlara başladı. Günün ilk çalışması üçün bazaya yığışan komandamız Suraxanı qəsəbə stadionuna yollanıb. `Bakı`yla oyundan sonra komandaya istirahət verən `Qarabağ`ımızın çalışdırıcısı Qurban Qurbanovun planında 2-ci məşq 16:30-a nəzərdə tutulub. `Qarabağ`ımız 2-ci məşqi də eyni məkanda keçəcək. `Qarabağ`ımızda zədə səbəbindən Rəşad Sadıqov, Namiq Yusifov komandadan ayrı düşüb. Əfran İsmayılov fərdi şəkildə məşqlərə başlayıb. Mustafa Afroto isə tamamilə sağalıb və kollektiv çalışmalarada iştirak edir.