"Qarabağ"ımız bu gündən etibarən 2019/20-ci illər mövsümünün hazırlıqlarına başlayıb. 

Klubumuzun bazasında bir araya gələn komandamız axşam saatlarında "Azərsun Arena"da ilk məşqinə çıxıb.  Milli komandalarda olan futbolçularımız məşqdə iştirak etməyib, əvəzində isə ikinci komandamızın bir neçə üzvü məşqdə iştirak edib.

Komandamızın Bakıda davam edən təlim-məşq toplanışı iyunun 17-nə qədər davam edəcək, komandamız bir gün sonra Avstriyaya yollanaraq hazırlığın ikinci mərhələsini orada davam etdirəcək.