“Qarabağ”ın 7 futbolçusu Azərbaycan millisində

Azərbaycan milli komandasının heyəti açıqlanıb. “Qarabağ”ın yeddi futbolçusu yığmaya çağırılıb.

Abbas Hüseynov, Bədavi Hüseynov, Bəhlul Mustafazadə, Elvin Cəfərquliyev, Nəriman Axundzadə, Toral Bayramov və Aleksey İsayev UEFA Millətlər Liqasının noyabrın 16-də Estoniya, 19-da İsveçə qarşı görüşləri üçün açıqlanan heyətdə yer alıblar. Millimiz ilk oyunu Qəbələdə, ikinci matçını İsveçdə keçirəcək.

Qeyd edək ki, yığmamız noyabrın 11-dən təlim-məşq toplanışına start verəcək.