“Qarabağ”ın 8 futbolçusu milli komandalarda

“Qarabağ”ın 8 futbolçusu milli komandalara çağırılıb. Nəriman Axundzadə, Elvin Cəfərquliyev, Rahil Məmmədov və Toral Bayramov Azərbaycan yığmasına dəvət alıb. Millimiz AVRO-2024-ün seçmə mərhələsi çərçivəsində oktyabrın 13-də səfərdə Estoniya, 16-də isə evdə Avstriya ilə qarşılaşacaq.

Marko Yankoviç Monteneqro, Luka Quqeşaşvili Gürcüstan, Patrik Andrade və Leandro Andrade Kabo Verde yığmasına dəvət olunub. Monteneqro millisi oktyabrın 12-də Livanla yoldaşlıq oyunu keçirəcək, 5 gün sonra AVRO-2024-ün seçmə mərhələsində Serbiyanın qonağı olacaq. Gürcüstan millisi ayın 12-də yoldaşlıq oyununda Tailand, üç gün sonra seçmə mərhələnin ev matçında Kiprlə üz-üzə gələcək. Kabo Verde isə oktyabrın 12-də Əlcəzair, 17-də Komor adaları ilə qarşılaşacaq.