"QARABAĞ"IN BAŞ MƏŞQÇİSİ: ELXAN RUSLAN OĞLU ABDULLAYEV

Bu gün "Qarabağ" Futbol Klubunun Vitse-Prezidenti Taher Gozel uzun sürən intizara son qoydu. O, ən çətin işin öhdəsindən layiqincə gələrək müxtəlif namizədlər arasından ən yaxşı variantı seçdiklərini bildirdi.Yeni baş məşqçi elan olundu: Bu, Azərbaycan Futbolunda Gənc olmasına baxmayaraq artıq öz sözünü deyən Elxan Abdullayevdir. Taher bəy, Elxan müəllimi yeni vəzifəsi münasibətilə təbrik edərək, ona uğurlar arzuladı. Klub rəhbərliyi olaraq, ona hər cürə şəraitin yaradılacağını vurğulayan Vitse-Prezident Klubun gələn sezon da adına layiq oyun göstərəcəyinə, azarkeşlərinə həyəcanlı anlar yaşadacağına əmin olduğunu vurğuladı: "Bunun üçün hər cürə şəraitimiz var. Sadəcə cavan heyətlə biz tarix yazacağımıza əminəm!" Bundan sonra, yeni baş məşqçiyə söz verildi: "Mənə etimad göstərdiyinizə görə, Klub rəhbərliyinə - Klubun Prezidentinə, Vitse-Prezidentinə və İcraçı Direktoruna öz dərin təşəkkürümü bildirirəm. Təbii ki, Azərbaycan Futbolu deyəndə, bir sıra klublarla yanaşı, ilk növbədə "Qarabağ" adı yada düşür. "Qarabağ"ın baş məşqçisi olmaq hər bir məşqçinin arzusudur. Bu şərəfə mən layiq görüldüyümə görə həm dürur duyur, həm də klubda Taher bəyin də dediyi kimi, tarix yazmaq haqqında düşünürəm. "Qarabağ"lı olduğum üçün qürur duyuram!" ELXAN RUSLAN OĞLU ABDULLAYEV 1970-ci ildə Bakı şəhərində anadan olmuş məşqçi Azərbaycan Dövlət Bədən Tərbiyəsi və İdman Akademiyasını bitirib. Hal-hazırda Milli Yığma komandanın da məşqçisi olan Elxan Abdullayev "Dinamo"(indiki "Bakı") FK-nun da baş məşqçisi işləmişdir.