“Qarabağ”ın dörd futbolçusu U-19-da

“Qarabağ”ın dörd futbolçusu Azərbaycanın U-19 yığmasına çağırılıb. Musa Məmmədov, Uğur Səfərov, Nihat Mehrəliyev və İbrahim İbrahimli 19 yaşadək futbolçulardan ibarət Azərbaycan milli komandasının təlim-məşq toplanışına qatılıblar.

Yığmamız oktyabrın 11-dən 13-dək Bakıda, 13-dən 17-dək isə Özbəkistanın paytaxtı Daşkənddə hazırlıq keçəcək. Komandamız hazırlıq çərçivəsində oktyabrın 14-də və 16-da Özbəkistanın U-19 millisi ilə üz-üzə gələcək.