`Qarabağ`lıların Milli benefisi...VİDEO

Azərbaycan Yığması Tarixində ilk dəfə olaraq, Rəsmi oyunlarda rəqib meydançasında qələbəni rəsmiləşdirdi. Vaxtilə Lixtenşteynin tarixinə düşmüş, rəqibin ilk qalib gəldiyi komanda olan Millimiz, bu dəfə onların timsalında öz tarixini yazdi. Qələbənin memarları içərisində isə 6 futbolçumuz yer aldı...

Oyunun ikinci hissəsində meydana daxil olan kimi, oyun şəklini dəyişən Rəşad Sadiqov ilk qol epizodunda gözəl ötürmə ilə yadda qaldı: `Top mənə ötürülən an daha yaxşı mövqedə olan Vagifi hiss elədim və düşünmədən topu ona yönləndirdim. Nəticə verdiyinə görə sevinirəm...`

Elvin Məmmədov isə gözlənilməz qol epizodundan söz açdı: `Gözləmədən topu önümdə gördüm. İrəlilədim və soyuqqanlı şəkildə zərbə endirdim. Sonradan videoyazıya baxanda zərbə anında rəqibi özümə çox yaxın buraxdığımı görürəm. Amma oyunda bunu hiss eləməmişdim...`

Vagif isə gələcəyi düşünür: `Bu qələbə çox vacib idi. Amma Rusiya üzərində qələbə isə çoxlarına sensasiya kimi görsənəcəksə də bizim üçün mümkünsüz deyil. Biz onlardan zəif deyilik. Sakit, rəqibin böyüklüyünə varmadan oynamaq lazımdır...`