QATTUZO GEDİR???

1999-cu ildən bəri "Milan"ın şərəfini qoruyan Cennaro Qattuzo 3-4 ildən sonra karyerasını başa vuracaq. "Rossonyerlər"in heyətində indiyə kimi 250 matçda meydana çıxan 30 yaşlı futbolçu karyerasını "Milan"da tamamlamaq niyyətindədir. İtalyan futboçu komanda yoldaşı  Paolo Maldini kimi futbolu gözəl notlarla başa vurmaq istəyir: "Hələlik karyeramı başa vurmaq niyyətində deyiləm. Daha 3-4 il futbol oynayacağam. İstərdim ki, karyeramı elə "Milan"da da tamamlayım". Bu xəbərdən sonra Qattuzonun formasını geyindiyi "Reyncers"in azarkeşləri məyus olublar. Şotlandiya mətbuatı futbolçunun italyan həmkarlarına verdiyi açıqlamasından sonra Qattuzonun keçmiş fikirlərini yadına salıblar. Vaxtıilə o belə demişdi: "Reyncers" azarkeşləri ilə yenidən görüşəcəyəm. Çünki özümə və Devid Myurreyə söz vemişəm. Keçidimdə pul önəmli rol oynamayacaq. Onların pis bir vəziyyətdə olduğunu bilirəm və Qlazqoya qayıdanda klubla pul barəsində heç nə danışmayacağam".