QƏLƏBƏ QAZANSAQ DA . . .

"NEFTÇİ" 0 - 1 "QARABAĞ" Oyundan əvvəl "Qarabağ"ın "Neftçi" qarşısında ilk məğlubiyyətdən sonra elə də müqavimət göstərməyəcəyi daha çox proqnozlaşdırılırdı. Lakin bu yalnız "Qarabağ"ın daxili ab-havasını bilməyənlərin fikirləri idi. "Qarabağ"da isə tam fərqli düşünürdülər... ...Oyun rəqiblə yanaşı həm də "palçıq mübarizəsi" kimi şərh edilə bilər. Bununla belə 90 dəqiqə ərzində yorulmaq bilməyən "Qarabağ"lılar öz güclərini flaqmana göstərə bildilər. Oyunun 7-ci dəqiqəsində Aslandan gözəl ötürmə alan Kənan topu yıxılaraq qapıya göndərdi. Lakin top qapı dirəyinə sürtülərək yandan çıxdı. Az sonra ikinci 100%-li epizodda da Kənan fərqlənməyə yaxın oldu. Bu dəfə isə top qapı çatından azacıq yuxarı yönəldi.20-ci dəqiqədə Romal - Aslan - Slobodan kombinasiyasını sonuncu tamamlasa da, zərbəsi güclü alınmadı. 33-cü dəqiqədə matçda 3-cü 100%-li qol epizodunu da Kənan qaçırdı. Birinci hissə bütün bunların qarşılığında isə meydan sahibləri heç nə ilə yadda qalmadılar... İkinci hissəyə "Qarabağ" daha böyük istəklə çıxdı və bunun nəticəsi olaraq hesabı açdı - Kənan Kərimovun qapıçıya daha yaxın küncə zərbəsi qarşısıalınmaz oldu ... Bundna sonra matçda maraq daha da artdı. Bu da təbii idi - daha bir qol "Qarabağ"ı növbəti mərhələyə çıxaracaqdı. Lakin qalan 25 dəqiqə ərzində bütünlüklə rəqibi qapısına sıxmasına baxmayaraq bəxt "Qarabağ"dan üz döndərdi və "Qarabağ" kuboka vida etdi . . .