`Qırmızı şeytan` `qara qartal`a ovlandı. VİDEO

Çempionlar liqasının 5-turu arxada qalıb. Geridə qalan turda heç şübhəsiz diqqəti ən çox cəlb edən `Beşiktaş`ın İngiltərdə `Mancester Yunayted`i məğlub etməsi oldu. Tellonun 20-ci dəqiqədə vurduğu qol oyunda yeganə oldu. Son 2 ildə ÇL-də final oynamış `qırmızı şeytanlar` növbəti mərhələyə vəsiqəni təmin etmiş olsa da, ən cəsarətli `Beşiktaş` azarkeşi belə `Old trafford`dan qələbə ilə dönməyi düşünməzdi. Amma həftəsonu `Fənərbaxça`nı darmadağın edən  Mustafa Denizlinin tələbələri göründüyü kimi artıq əla forma toplayıblar. Qrupun digər qarşılaşmasında isə ÇSKA evdə `Volfsburq`u 2:1 məğlub etdi. İndi `Beşiktaş`ın Avroliqada çıxışını davam etdirməsi üçün evdə 2 top fərqiylə üstələməsi lazımdır.

TELLO MANÇESTERDƏ TARİXİ BELƏ YAZDI...