Qurban Qurbanov:` Ağdamda oynamaq istəyirik`
7 Apr 2009
Qurban Qurbanov:` Ağdamda oynamaq istəyirik`
`Qarabağ` Futbol klubunun baş məşqçisi Qurban Qurbanov da Ağdam səfərindən geri dönüb. Direktorumuzla birgə dünən gecə Bakıya qayıdan perspektivli çalışdırcı görəsən hansı təəssüratlarla geri dönüb. Baş məşqçimizi dinləyək:` Açığı, uzun müddətdir, Ağdamda olmamışdım. Stadionu gördüyümdə sevindim. Hər halda, tikilən stadionlar ölkə futbolunun qazancıdır. Ağdam rayonunun icra hakimi Həsən müəllim də bizi gülərüzlə qarşıladı. Hiss olunurdu ki, oyunun Ağdamda keçirilməsini çox istəyir. Bizimlə söhbətdə də yerli xalqı sevindirmək üçün lazım olanı edəcəklərini bildirdi. Düzdür, stadionun ot örtüyü hal-hazırda ideal vəziyyətdə deyil. Amma, çox ümidliyik ki, Quzanlıda rəqiblərimizi qəbul edə biləcəyik. Bu ölkə futbolu üçün də əlamətdar olar`