Qurban Qurbanov: “Çox vacib qələbə idi”

Misli Premyer Liqasının XVII turunun “Qarabağ” – “Sumqayıt” oyunundan (5:0) sonra komandamızın baş məşqçisi Qurban Qurbanovun mətbuat konfransı keçirilib. Təcrübəli mütəxəssis matç barədə fikirlərini açıqlayıb:

“Vaqif Cavadov və “Sumqayıt”a uğurlar arzulayıram. Komandamı təbrik edirəm. Çox vacib qələbə idi. Zədəlilərimiz çoxdur, ilin sonunda futbolçularda yorğunluq da var. Müdafiədə çatışmazlıqlar var idi. Bu gün də Bədavi Hüseynov ayağında ağrılar hiss etdi. Bütün oyunçularımızın istirahətə tam sağlam yollanmasını istəyirik. Rotasiyalar, yerdəyişmələr etdik. Komanda çox düzgün oyun qurdu. Azarkeşlərimizə təşəkkür edirəm”.