Qurban Qurbanov daha iki il `Qarabağ`da !!!

`Qarabağ` Futbol Klubunun rəhbərliyi komandanın uğurlu çıxışının memarı olan Baş Məşqçisimiz Qurban Qurbanovla 30.06.2010 tarixində bitəcək müqavilənin müddətini artırmaq qərarına gəlib. Baş Məşqçimizlə qısa görüş müsbət nəticə verdi. Beləliklə komandasını Baş Məşqçi kimi 50-ci oyuna hazırlaşdıran Qurban Qurbanov cari çempionatdan başqa, 2010-11 və 2011-12-ci futbol mövsümlərində də komandamızın uğurları üçün çalışacaq. Qurban müəllim yubiley oyun öncəsi belə bir jestin cavabını qazanacağı uğurla verəcəyini bildirdi: `Əlbətdə ki, çempionatın hələ yarısı bitməmiş Klub rəhbərliyinin belə addım atması mənə göstərilən inamdan irəli gəlir ki, buna görə də bütün komanda rəhbərliyinə öz dərin təşəkkürümü bildirirəm. Mən öz işimlə, komandaya qazandıracağım uğurlarla bu etimadı doğrultmağa çalışacam. İmkanlarımız, yaradılmış şərait, futbolçularımızın keyfiyyətinə baxıb mən əminliklə deyə bilərəm ki, `Qarabağ` əldə etdiyi uğurlardan daha böyük tarix yazacaq və bu tarix çox yaxındadır...`
Qurban müəllim azarkeşləri də yaddan çıxartmadı: `Mən komandamızı dstəkləyən, oyunlarımıza gələn, ürəkdən bu kluba azarkeşlik edən bütün tərəfdarlarımızı daha fəal olmağa çağırıram. Qarşıda bizi çox çətin amma şərəfli yol gözləyir. Bu yolu birgə addımlayaraq, uğuru birlikdə qazanacağıq!`