Qurban Qurbanov: “Futbolçularıma güvənirəm”

Avropa Liqasının pley-off mərhələsinin cavab oyunları çərçivəsində keçiriləcək “Qarabağ” – “Braqa” matçından əvvəl komandamızın baş məşqçisi Qurban Qurbanov və hücumçusu Olavio Juninyonun iştirakı ilə mətbuat konfransı təşkil olunub. Təcrübəli mütəxəssis qarşılaşma barədə fikirlərini açıqlayıb:

“Sabah həqiqətən bizim üçün çox vacib və dəyərli oyun olacaq. Rəqib barədə çox danışmağa ehtiyac yoxdur. Bu hesab bizi aldatmamalıdır. İnanıram ki, futbolçularım Bakıda daha istəkli və daha düzgün oynayacaq, soyuqqanlılıq nümayiş etdirəcəklər. Sabaha qədər vaxtımız var. Əlimizdən gələni edib, şans varsa ondan yararlanmağa çalışacağıq”.

Baş məşqçi rəqib haqda da danışıb: “Braqa”dan tələb gözləniləndir. Çünki onlar yaxşı klubdur. Növbəti mərhələyə keçmək şansları çox idi. Amma bunun futbolçularıma psixoloji təsir edəcəyinə düşünmürəm. Biz “Braqa”nın gücünə bələdik. Matçdan öncə də onların necə oynadığını bilirdik. Onlar həddindən artıq sürətlidirlər. Cavab qarşılaşmasına son dərəcə yüksək səviyyədə hazırlaşmışıq”. 

Qurbanov hər qələbənin vacibliyini qeyd edib: “Avropada qazanılan hər bir qələbə Azərbaycan futbolunda böyük uğur sayılmalıdır. Pley-off oyunlarında qələbələr futbolçuların və azarkeşlərin inamı üçün çox vacibdir. Belə qalibiyyətlər bizi daha həvəsli və inamlı edir. Həmişə istəmişəm ki, böyük klublar Azərbaycana gəlsinlər. Bununla dayanmaq olmaz. İlk matçda qalib gəlmişik. Sabah məğlub olsaq da, bu, uğursuz bir nəticə deyil. Çünki səfər matçında qələbə qazanmağı bacarmışıq. İldən-ilə daha yaxşı olmaq istəyirik. Qarşımızda bu mərhələyə gəlmək üçün böyük istək var idi, amma tələb yox idi. İlk məqsədimiz minimum Avropa Liqasının qrup mərhələsinə düşmək idi. Bu gün də futbolçularıma güvənirəm. Bura kimi gəlib irəliləməyimizdə onların payı çoxdur. Ən əsası oyuna düzgün yanaşırıq”. 

Braziliyalı hücumçu da görüş barədə fikirlərini açıqlayıb: “Sabah maraqlı oyun olacaq. Matça yaxşı hazırlaşmışıq. Ciddi oyun olacaq. “Braqa” çox güclü komandadır. Onlar mövsümə Çempionlar Liqasında başlamışdı, indi Avropa Liqasında davam edir. Bu da onların təhlükəli olduğunu göstərir. Doğma azarkeşlərimizin qarşısında oynayacağıq. Ümid edirəm ki, maraqlı oyun olacaq. Bu oyunun taleyini xırda detallar həll edə bilər. Buna diqqət yetirməliyik. Onlar bizi tanıyırdılar, hansı gücdə olduğumuzu bilirdilər və bu oyunu bizdən gözləyirdi. Komandada ab-hava yaxşıdır. Futbolçularımız cavab oyununa kökləniblər. Şansları 50-nin 50-yə dəyələndirirəm”.