QURBAN QURBANOV: HƏDƏFİMİZ 4X4-DÜR"

"Qarabağ" komandası hazırlıqlarını davam etdirir. Gündə iki dəfə olmaqla məşqlərini həm məskunlaşdığımız "Ruslan-93" idman kompleksində, həm də Suraxanı qəsəbə stadionunda davam etdirən komandamız da əhval-ruhiyyə yüksəkdir. Çətin "Qəbələ" səfərindən qələbəylə dönən komandamız artıq "Simurq"la oyunu gözləyir. Komandamızın çalışdırıcısı Qurban Qurbanovun bu barədə nə düşündüyünü öyrəndik:" Hazırlıqlarımız yaxşı gedir. Son qələbədən sonra atmosfer düzəlib. Artıq uşaqlar qələbəni hiss etdilər". Məlum olduğu kimi, "Simurq"la matçın ardından Tovuza səfər edəcək komandamız "Turan"la qarşılaşacaq. Ardınca isə "NBC" və "OMİK" sınaqları var. Qurban müəllim hədəflərinin bu 4 matçda maksimum nəticə göstərərək zirvəyə oynamaq olduğunu bildirdi:" Çempionat çox gərgin keçir. Heç kim digərlərindən bir baş üstün deyil. Ona görə də bütün oyunlara ciddi hazırlaşırıq. Amma hazırda qarşıdan gələn 4 oyunda maksimum xal toplamağa çalışacağıq. Rəqiblərimizi fərqləndirmirik. Və bütün oyunlara 3 xal məqsədiylə çıxacağıq. Amma mövcud durumu dəyərləndirsək ilk yarının son mərhələsinə yüksək əhval-ruhiyyədə girməliyik.”