Qurban Qurbanov: “Komandamız çox yaxşı hazırlıq keçdi”
![single-news](https://qarabagh.com/uploads/catalog/450358357_1026838178811216_7905886667051968427_n.jpg)
Qurban Qurbanov: “Komandamız çox yaxşı hazırlıq keçdi”
Komandamızın baş məşqçisi Qurban Qurbanov saytımıza açıqlama verib. Təcrübəli mütəxəssis Avstriyadakı təlim-məşq toplanışının son günündə “Slaven” (1:0) və “Şəbəb Əl-Əhli”yə (5:2) qarşı yoxlama oyunları, həmçinin hazırlıq prosesini dəyərləndirib:
“Toplanışın 12 günü ərzində çox yaxşı işlər görən texniki heyətə və futbolçulara təşəkkür edirəm. Hazırlıq prosesinin sonluğu da yaxşı alındı. Bugünkü matçlar da əvvəlki iki qarşılaşma kimi dinamik, baxımlı keçdi. Hesab bizi aldatmalı deyil. İki çox yaxşı komandaya qarşı oynayırdıq. “Şəbəb Əl-Əhli”nin baş məşqçisi Paulo Souzanı öncədən də tanıyırdıq. Təcrübəli mütəxəssis Avropa Liqasında rəqibimiz olan “Fiorentina”nı çalışdırırdı. Bütün futbolçular 90 dəqiqə oynadı və sonadək tempi aşağı salmadılar. Yekunda yaxşı qələbə, yaxşı oyun və ümumilikdə inamlı hazırlıq oldu. Toplanışdan razı qaldım, komandamız çox yaxşı hazırlıq keçdi”.