Qurban Qurbanov: "Son vaxtların əsl derbisini gördük"

"Qarabağ"ımız Azərbaycan Premyer Liqasının III turunda "Neftçi"ylə 1:1 hesablı heç-heçə edib. Komandamızın baş məşqçisi Qurban Qurbanov oyun haqda öz fikirlərini bildirib:

"Hər iki komandanı təbrik edirəm. Azarkeşlərimizə təşəkkür edirəm. Son vaxtların əsl derbisini gördük. Mübarizə baxımından, azarkeş baxımından çox xoş oldu. Futbolçularımı təbrik edirəm. Sona kimi mübarizə apardılar. Bu, çox vacib idi. Hər iki komandanın çoxlu qol imkanı oldu. Yaxşı oyun izlədik".