Qurban Qurbanov:` Xal itirmək istəmirik`

`Qarabağ`ımız həftəsonu MOİK-i qəbul edəcək. Tam heyətlə çalışmalarını davam etdirən komandamız 6-cı gün baş tutacaq matçı itkisiz başa vuraraq premyerliqanın son mərhələsinə inamla yollanmaq istəyir. Ölkə kubokunun yarımfinal mərhələsində `Bakı`yla iki vacib oyunu olan komandamız premyerliqada da ardıcıl olaraq `Neftçi`, `İnter`, `Xəzər-Lənkəran` və `Karvan`la bir-birindən çətin oyunlarda mücadilə edəcək. Çalışdırıcımız Qurban Qurbanov bu baxımdan MOİK-lə oyunu mühim sayır:`Rəqibimiz autsayder olsa da, sona qədər vuraşacaq. Təbii ki, boş yerə xal itirmək istəmirik. Komandamızın son oyunlarını Ağdamda oynama ehtimalı var. MOİK-lə də orda oyanamaq istərdik. Sadəcə, vaxt çatmadı. İndi daha çox konsentrasiyaya ehtiyacımız var. Artıq itirilən xalalrı qaytarmaq geri qaytarmaq mümkün olmayacaq. Ona görə də lazımi qələbəni əldə etməyə çalışacağıq`