Qurbanov:`Qisas üçün deyil, qələbə üçün oynayacağıq`

Sabah `Qarabağ`ımız önəmli mücadiləyə çıxacaq. İlk yarıdakı məğlubiyyət oyuna əlavə rəng qatacaq. Lakin komandamızın baş məşqçisi Qurban Qurbanov belə düşünmür. Çalışdırcını dinləyək:`Standard`la oyuna adi oyun kimi çıxacağıq. Məğlubiyyət bizə əlavə motivasiya verirmi? Xeyr. Meydana qisas üçün deyil, qələbə üçün çıxacağıq. Geridə qalan statistikadı. Ancaq bu günü və sabahı düşünməliyik. Rəqibi yensək sadəcə 3 xal qazanacağıq. Başqa heç nə.`

Bundan başqa Qurbanov oyunun heç də asan olmayacağını vurğuladı:` 4 əsas futbolçudan məhrum olaraq oyuna çıxacağıq. Elnurla Aslan cəzalı, Sedat isə zədəlidir. Aftandilin isə durumu qənaətbəxş deyil. Hacıyev `Neftçi`ylə oyunda da ağrımasına baxmayaraq özü sona qədər oynamaq istədiyini bildirdi. Amma bizim yetərincə geniş heyətimiz var. `Standard`ı udmaq üçün meydana çıxacağıq.`