Ramazanov ilin futbolçusudur!!!

`Qarabağ`ımızın daha bir üzvü mükafat aldı. Komandamıza yayda transfer edilən, özünəməxsus forvard Zaur Ramazanov `Komanda` və `Trend` xəbər agentliyinin keçirdiyi səsvermə zamanı ən çox səs toplayaraq ilin futbolçusu seçilib. Bu dəfəki səsvermədə ənənəvi sorğulardan fərqli olaraq azarkeşlərin fikirləri əsasında seçim edlməliydi. Seçilmiş 10 namizədə səs verilməliydi. Qışda `Xəzər-Lənkəran`la birlik kubokunu qazanan komandanın kapitanı olan 32 yaşlı hücumçu arxada buraxdığımız ildə  ölkə kubokunu qazanmaqla yanaşı UEFA kubokunda komandasının  tək qoluna imza atmışdı. Komandamıza yayda gələn bəstəboy forvard adaptasiya dönəmini keçirdikdən sonra öz sözünü deməyə başladı. Öncə kubokda fərqlənən `Zayka` ardınca çox önəmli iki maçda 2 qol vuraraq komandamıza vacib 6 xal qazandırdı.

Onu da qeyd edək ki, PFL-in prezidenti Ramin Musayevin də iştirak etdiyi tədbirdə digər yerləri tutmuş futbolçuların da adı açıqlandı. Rəşad Sadiqov ikinci, Kamran Ağayev isə 3-cü yeri tutub. Ramazanov 65 faiz səs topladığı halda ən yaxın izləyicisi Sadiqov 23 faiz səs toplayıb. Komandamızın digər üzvü Vaqif Cavadov isə 4-cü yeri tutub.