RAMAZANOV TRANSFERƏ ÇIXARILIDI

“Xəzər-Lənkəran” Futbol Klubunun rəhbərliyinin aldığı qərara əsasən komandanın lideri və kapitanı  Zaur Ramazanov transferə çıxarılıb. 2005-cı ildə “Xəzər-Lənkəran”a gələn futbolçu bu mövsümün əvvəlindən komandanın kapitanı idi. Dünən yığmanın düşərgəsindən komandanın heyətinə dönən futbolçu klubun daxili nizam-intizam qaydalarını pozduğuna görə, transferə çıxarılıb. Ramazanovu əldə etmək üçün Premyer liqa təmsilçiləri arasında artıq rəqabət başlayıb. Amma Zaurun "Bakı"ya keçmək ehtimalı  böyükdür. Çünki digər həmkarlarından fərqli olaraq, hazırda yığmanı da çalışdıran Coko Hadziyevski forvardın potensialına tam bələddir. Qeyd edək ki, Ramazanovun “Xəzər-Lənkəran”la müqaviləsi 2009-cu ilin iyun ayında başa çatacaq.