RASİM KARA BAKIYA DÖNÜR

Çempionatın ilk dövrəsi bitər-bitməz Türkiyəyə işgüzar səfərə yollanan Rasim Kara artıq Bakıdadır. Mövsümlərarası dövrdə komandaya yeni isimlər qazandırılması istisna olmadığı üçün vətənində bir sıra görüşlər keçirən komandamızın baş məşqçisi Bakıda işlərini davam etdirəcək. Komandanın ikinci dövrədəki strategiyasını müəyyənləşəcəyi toplantılar sonrası  klubda hansısa dəyişiklik olması istisna deyil. Təbii ki, klubda yeni futbolçuların gəlməsi istisna deyil. Və hər halda fevralda başlayacaq çempionatın ikinci dövrəsində biz “Qarabağ”ın heyətində yeni adlarla qarşılaşacağıq.