RASİM KARA: BU GÜNKÜ OYUNDAN MƏMNUN QALDIM..."

"Qarabağ" Futbol klubu hazırlıq dönəmində növbəti oyununu Ukrayna təmsilçisi "Metallurq"a qarşı keçirdi və oyun qolsuz heç-heçə ilə başa çatdı. Oyun sonrası Baş Məşqçimiz Rasim Karanın fikirləri: "Komandanın hazırlıq dönəmində hazırlığını 60%-ə qaldıra bilmişik. Bu günkü oyunda belə nəticə ilə hazır rəqibə qarşı oynadıq. Xüsusilə qapımız qarşısında bir dəfə də real qol vəziyyəti yaranmamasını vurğulamaq istəyirəm ki, bu müsbət haldır. Hücumda isə rəqibdən bir baş üstün oyun sərgilədik. İki dəfə real qol vəziyyəti yaxaladıq ki, bunlarından birini istifadə edib qələbə də qazana bilərdik. Gənclərin istəkli oynaması, meydanın hər qarışı uğrunda mübarizə aparması təqdirə layiqdir. Eyni zamanda təcrübəli futbolçuların ifasını "əla" qiymətləndirərdim. Onlar gözəl oyunları ilə həqiqətən gənclərə örnək olacaq futbol sərgiləyirlər...." Baş Məşqçi qarşıdakı planlara da toxundu: "24-də Bakıya dönürük, 2 günlük istirahətdən sonra komanda bir araya gələcək. Duruma görə, orada yoldaşlıq oyunları da keçirmək niyyətindəyik..."