RASİM KARA: "QARABAĞ" ZÖVQVERİCİ BİR OYUN GÖSTƏRƏN KOMANDA OLACAQ !"

"Bəylərbəyi" ilə keçirilmiş oyundan sonra "Qarabağ" Futbol Klubunun Baş Məşqçisi Rasim Kara oyun haqqında saytımıza öz fikirlərini bildirdi: "Əvvəlcədən qeyd edim ki, bu bir yoldaşlıq oyunu idi. Bununla belə biz hər bir oyuna qələbə üçün çıxacağıq. Komandanın oyunundan ümumilikdə razıyam. Həm fərdi, həm qrup, həm də komanda oyununda bəyəndiyim və bəyənmədiyim nüanslar oldu. Sürətli futbol oynadıq ki, bu məni sevindirir. Bundan başqa ql epzodlarının soyına görə də rəqibi açıq aşkar üstələdik.İlk hissədə rəqibi qapımız qarşısına buraxmadıq. Bununla yanaşı yaratdığımız qol epizodlarından da yararlanmamamız mənfi cəhətdir. Yolun başlanğıcındayıq. Komandaya gənc futbolçular cəlb etmişik. Onlara inamım böyükdür. Qarşıda bizi daha 4 oyun gözləyir ki, bu oyunlarda komandanın çatışmayan tərəflərini düzəltməyə çalışacağıq. İkinci dövrədə "Qarabağ" sürətli, gözəl, azarkeşlərin zövqlə seyr edəcəyi bir komanda olacaq..." Xatırladaq ki, "Qarabağ" Futbol Klubu təlim məşqin VIII günündə də iki dəfəlik məşq etdi. Səhər məşqini fiziki hazırlığa yönəldən klub meşədə kros çalışmalarla kifayətləndi. İkinci məşq isə toplarla "Silent Park Reort"un stadionunda keçiriləcək. İki gün sonra isə komanda ikinci yoldaşlıq görüşündə öz qüvvəsini sınayacaq.