RAUF ƏLİYEV:" BU HƏLƏ BAŞLANĞICDIR"
RAUF ƏLİYEV:" BU HƏLƏ BAŞLANĞICDIR"
Təxminən 1 ay öncə “Qarabağ” Futbol Klubunun rəsmi saytında məhz onunla müsahibə yayımlanmışdı. “Qarabağ”ın eyni zamanda Azərbaycan futbolunun ən prespektivli futbolçularından sayılan müsahibimizlə həmin söhbətimizdə futbolçumuz gələcək arzuları və futbola gəlişi haqqında danışmışdı. Başqa cür desək daha çox prespektivə əsaslanan söhbətimizdən fərqli olaraq bu dəfə Rauf Əliyevin şücaətinə görə sözün yaxşı mənasında danışmağa məcbur olduq. Bir neçə gün öncə Azərbaycan kubokunun 14 final mərhələsində “Qarabağ” – “İnter” matçında ikinci yarıda oyuna daxil olaraq bir-birindən gözəl 2 qola imza atan 18 yaşlı forvard həm “Qarabağ”ın növbəti mərhələ üçün şansını saxladı həm də gəncləri yetişdirməklə ölkə futboluna xidmət etməyi qarşısına məqsəd qoyan klubunun nə dərəcədə doğru yolda olduğunu göstərdi.
Əslində Raufun “partlayacağı” coxdan gözlənilirdi. Hələ yanvar ayında Antalyada keçirilən təlim-məşq toplanışında komandanın ən yaxşı bombardiri olan forvard ikinci yarıda forma geyinmək şansı əldə edə bilməmişdi. Lakin məşqlərdə böyük arzu və istəklə çalışan Rauf öz zamanını gözləyirdi. Və belə bir məqam “İnter”lə adı yuxarıda qeyd olunan oyunda yetişdi. Görüşdə 0:1 hesabıyla geri düşəndə komandamızın baş məşqçisi Rasim Kara tərəddüd etmədən Raufu “döyüş”ə atdı. Gənc hücumçu isə ona edilən etimadı artıqlamasıyla doğrultdu. Rauf dubl etməklə komandasını mübarizədə “mən də varam” deyə bilməsinə şərait yaratdı. Hər halda Rauf özü belə düşünür. İnanmırsınız? Buyurun, oxuyun... Siz də inancaqsınız...