Rəşad Sadiqov:` Vitse-prezidentimizin fikirləri qürurvericidir`

Komandamızın qış transfer dönəmində sıralarına qatdığı Admir Teli, Rəşad Sadiqov və Elnur Allahverdiyev uğurlu oyunlarıyla hər kəsin rəğbətini qazanıb. Təsadüfi deyil ki, Klubumuzun vitse-prezidenti Tahir Gözel rəsmi internet səhifəsində verdiyi müsahibəsində xüsusilə Rəşad Sadiqovun oyunundan, malik olduğu texnikasına valeh olduğunu bildirmişdi. Bəs, istedadlı yarımmüdafiəçi bu barədə nə düşünür? Sadiqovu dinləyək:`Tahir bəyin açıqlamalarını saytdan oxudum. Açığı, mənim üçün gözlənilməz oldu. Təbii ki, klub rəhbərinin bu fikirləri mənim üçün qürurvericidir. Oyun vaxtı əlimdən gələnin ən yaxşısının etməyə çalışıram. Əlbəttə, Tahir bəyin bu fikri mənim üçün əlavə stimul oldu. Vitse-prezidentimizin böyük futbol biliyinə malik olduğunu nəzərə alsaq, onun fikirləri məni daha da məsuliyyətli olmağa məcbur edib. İnşallah, bundan sonra daha da yaxşısını eləməyə çalışacam. `Qarabağ`la Avropa gedib komandamızı ən yaxşı şəkildə təmsil etmək istəyirik.`