ROMARİONUN ARZUSU GERÇƏKLƏŞƏCƏKMİ?

Dəfələrlə karyerasını 1000 qol vurmadan bitirməyəcəyini söyləyən futbolun canlı əfsanəsi Romario arzusuna çatmasına az qalıb. Belə ki, DÇ-nin qalibi 41 yaşı olmasına baxmayaraq, hələdə gözünü yaşıl meydanlardan çəkməyib. Bu günlərdə Braziliyanın çempionatında veteranın forma geydiyi “Vasko da Qama” “Flamenqo”nu məğlub etdiyi matçda Romario görüşün 79-cu dəqiqəsində vurduğu topla qollarının sayını 999 çatdırıb.
Artıq klub rəhbərliyi forvardın 1000-ci qolu üçün hazırlıqlara başlayıb. Beləki, Romarionun yubileyini əks etdirən formalar yaxın günlərdə satışa buraxılacaq. Maraqlıdı ki, səbəbkar özü əlamətdar qolu ünlü Marakana stadionunda vurmağı istəyir. Axı, Romarionun ciddi cəhdlə çatmaq istədiyi Pele də 1000-ci qolunu məhz  dünyanın ən böyük stadionunda imza atmışdı.
Qocaman forvard 1000-ə çatacağına sevinsədə, statistiklərin fikrincə Romarionun qol sayı sadəcə,  təxminən üçdə biri azalmalıdır. “Royter” isə təmamilə başqa bir variant önə sürüb. Səbəbkar özü isə, bütün deyilənlərə mahal vermədiyini, şəxsi hesablamalarının daha çox önəm verdiyini bildirib.